Psa 115 | PONPDN | STEP | KAIDIN kit Ieowa, kaidin kit, pwe mar omui, kom kotiki ong waui, pweki omui kalangan o melel!

Psalms 115

1 KAIDIN kit Ieowa, kaidin kit, pwe mar omui, kom kotiki ong waui, pweki omui kalangan o melel!
2 Menda men liki kan en inda: Ia arail Kot?
3 Atail Kot kotikot nanlang, a kak kotin wia karos, me a kupura.
4 Arail dikedik en ani kan, me wia kidar silper de kold, iei dodok en pa en aramas.
5 Au arail mia, ap sasa lokaia, por en mas arail mia, ap sota kak kilang wasa.
6 Salong arail mia, ap sota rong wasa; tum arail mia, ap sota ned wasa.
7 Pa arail mia, ap sota kak koledi meakot; na arail mia, ap sota kak alu; re sota kak lokaiaki kapin wor arail.
8 Me kin wiada pukat, me duet a irail, o pil karos, me kin liki irail.
9 A koe Israel, liki Ieowa; i sauas o pere parail.
10 Komail, kadaudok en Aron, liki Ieowa, i sauas o pere parail.
11 Komail, me kin masak Ieowa, liki Ieowa, i sauas o pere parail.
12 Ieowa kotin kupura kitail er, o a pan kotin kapai kitail la; a pan kotin kapaida kadaudok en Israel, kapaida kadaudok en Aron;
13 A pan kotin kapaida, me masak Ieowa, me tikitik o me laud akan.
14 Ieowa en kotin kapai komail da kokolata, pein komail o nou mail seri kan!
15 Komail me kapaidar ren leowa, me kotin kapikadar lang o sappa.
16 Lang me sapwilim en leowa, a sappa me a kotiki onger aramas akan.
17 Me melar akan solar pan kapinga leowa, pil karos, me kodi wasan kaporemen.
18 A kitail pan kapina leowa san met o kokolata. Aleluia!